Óliver
Kírópraktor, BSc í sálfræði
Óliver er menntaður kírópraktor og hefur unnið hérlendis sem slíkur frá 2019. Óliver lærði kírópraktík í AECC, Englandi og lauk einnig Bsc í sálfræði við Háskólann á Akureyri 2024.
Í námi sínu lagði Óliver upp með að tileinka sér mikla hæfni í hnykkingum með auka námskæðum samhliða námi og leiðbeindi samnemendum sínum á útskriftarári sínu.
Þá lærði Óliver meðhöndlun ungabarna frá forsprökkum þeirra fræða og sá um kírópraktorstöð barna hérlendis á árunum 2021-2023.
Óliver leggur áherslu á góða greiningu, heildrænar lausnir og brennur fyrir því að skjólstæðingar sýnir nái árangri, hann notast við Gonstead tækni hnykkinga en notast þó við meiri aðferðarfræði í nálgun sinni.
Óliver hefur sérstakan áhuga á verkjavísindum, samspili andlegra og líkamlegra þátta í heilsufari og langvarandi verkjum.
Guðmundur
Kírópraktor
Guðmundur útskrifaðist sem kíropraktor eftir fimm ára nám við AECC, Englandi árið 2017.
Samhliða náminu var hann formaður Gonsted klúbbsins við skólann og kenndi samnemendum sínum þá aðferðafræði og tækni hnykkinga. Meðan klíníska námi stóð þáði hann boð um starfsnám hjá Formúlu 1 liði Redbull, þar sem hann starfaði við hreyfigreiningu og veitti liðsmönnum klíníska meðhöndlun.
Auk þess kláraði Guðmundur grunnnám í íþróttatengdri læknisfræði í Bandaríkjunum árið 2011 og sótti ýmis námskeið í öðrum meðferðaúrræðum. Þessi breiði grunnur sem og langur íþróttaferill Guðmundar gerir honum kleift að greina skjólstæðinga sína útfrá fjölþátta nálgun og sérþörfum einstaklingsins og leiðbeina þeim í átt að betri heilsu.
Hrönn
Kírópraktor á kandídatsári
Hrönn er menntaður kírópraktor á kandídatsári. Hún hefur sérstakan áhuga á barnakírópraktík sem og íþróttatengdri meðhöndlun.
Í starfsnámi sínu tók Hrönn þátt í klínísku starfi með börnum þar sem hún öðlaðist dýrmæta reynslu í mildum og öruggum meðferðarleiðum fyrir börn. Hún hefur jafnframt sótt fjölbreytt námskeið í meðferðarúrræðum fyrir allan aldur til að efla klíníska færni og stuðla að stöðugri faglegri þróun.
Hrönn hefur sérstakan áhuga á lyftingum, hlaupum og CrossFit og nýtir þekkingu sína til að styðja íþróttaunnendur með íþróttameiðsli og endurhæfingu.
Ellert
Sjúkraþjálfari
Ellert Ingi er menntaður sjúkraþjálfari. Hann lauk grunnnámi í sjúkraþjálfun við Háskóla Íslands árið 2021 og í framhaldi af því lauk hann framhaldsnámi í sjúkraþjálfun árið 2023 við sama skóla.
Lokaverkefni Ellerts í framhaldsnáminu bar heitið „Hentugar hreyfingar til að finna áhættuþætti fyrir meiðsli á fremra krossbandi í hné“.
Samhliða námi starfaði Ellert Ingi sem sjúkraþjálfari fyrir knattspyrnufélagið Hauka og eru hans helstu áhugasvið íþróttameiðsli, stoðkerfisverkir og almenn sjúkraþjálfun.
Árni
Sjúkraþjálfari
Árni útskrifaðist með B.Sc. í sjúkraþjálfun frá Aarhus VIA university vorið 2020. Í náminu valdi hann námsbraut þar sem lögð var áhersla á stoðkerfisvandamál og meðferð við þeim.
Frá útskrift hefur Árni starfað sem sjálfstætt starfandi sjúkraþjálfari og sótt námskeið tengd stoðkerfisverkjum.
Í starfi sínu leggur Árni mikið upp úr því að veita hverjum og einum persónulega þjónustu og brennur fyrir því að aðstoða fólk að ná árangri og bata.
Sigurjón
Sjúkraþjálfari
Sigurjón lauk námi í sjúkraþjálfun frá Háskóla Íslands árið 2016. Árið 2018 lauk hann svo meistaragráðu frá LMU á Englandi í meðferð íþrótta og álagsmeiðsla. Frá útskrift hefur Sigurjón verið sjálfstætt starfandi sjúkraþjálfari og sótt námskeið tengd meðhöndlun íþróttameiðsla og stoðkerfisverkja.
Helstu áhugasvið Sigurjóns eru meðferð íþrótta/álagsmeiðsla, stoðkerfisverkir, auk úthalds og styrktarþjálfun. Sigurjón hefur einnig lokið starfsnámi frá Grensásdeild LSH, Bakskólanum á Stykkishólmi og öldrunardeild LSH.
Sigurjón leggur mikið upp úr því að mæta sínum skjólstæðingum þar sem þeir eru hverju sinni og taka mið af markmiðum hvers og eins.
Birna
Sálfræðingur
Birna er menntaður sálfræðingur frá Háskólanum í Reykjavík.
Birna er sérstaklega áhugasöm um að styðja fólk við að takast á við kvíða, þunglyndi, streitu, svefnvanda, og verki.
Hún býður bæði staðviðtöl og fjarviðtöl, á virkum dögum og um helgar.
Edda
Næringarfræðingur
Edda er með MSc gráðu í næringarfræði frá Háskóla Íslands og er löggildur næringarfræðingur með starfsleyfi frá Embætti Landlæknis.
Áhugi Eddu á næringu og mataræði kviknaði á unglingsárunum og hefur fylgt henni alla tíð síðan. Það voru svo veikindi innan fjölskyldunnar sem gerðu henni ljóst hversu öflug næring getur verið fyrir almennt heilbrigði. Þessi reynsla kveikti löngun hennar til að starfa innan fræðanna og aðstoða aðra við að nýta næringu til að bæta lífsgæði sín og heilsu.
Edda starfaði hjá Krabbameinsfélaginu við rannsóknir og næringartengd verkefni í starfsnámi sínu. Hún hefur komið víða við sem ráðgjafi fyrir fyrirtæki í matvælaframleiðslu, matvöruverslanir og veitingastaði. Edda á og rekur fyrirtækið Mín næring sf. sem starfar innan veggja Þrek Heilsuklíníkar.
Hjá Eddu færðu einstaklingsmiðaða næringarráðgjöf sem hjálpar þér að ná næringarmarkmiðum þínum á heilbrigðan máta.
Diljá
Heilsunuddari
Diljá er menntaður heilsunuddari úr Nuddskóla Íslands þar sem hún útskrifaðist árið 2016. Hún byrjaði að vinna sem nuddari á meðan náminu stóð og hefur unnið sem slíkur, frá árinu 2016.
Diljá hefur starfað sem heilsunuddari í heilsulindum ásamt því að vera sjálfstætt starfandi.Hún sérhæfir sig í heildrænni nuddmeðferð sem er sniðin að hverjum einstaklingi fyrir sig. Diljá hefur ástríðu fyrir umönnun og leggur áherslu á vellíðan viðskiptavina.
Diljá er frábær viðauki við teymið okkar á Þrek heilsuklíník þar sem samstarf heilbrigðisstétta bæði líkamlegra og andlegra er í fyrirrúmi.
Sonja
Móttökustýra
Sonja starfaði í Sporthúsinu 2003-2017, þar sá hún um ýmis verkefni þar á meðal barnagæslu og móttökustörf. Þaðan færði hún sig yfir á Kírópraktorstöð Reykjavíkur þar sem hún starfaði sem móttöku og starfsmannastjóri 2017-2023.
Samhliða því starfi sast Sonja aftur á skólabekk og útskrifaðist sem félagsliði árið 2020, en áður útskrifaðist hún frá Hússtjórnarskólanum á Hallormsstað árið 2005.
Ásamt framantöldum störfum vann Sonja í félagsmiðstöð fyrir börn og unglinga með fötlun, á leikskóla og sem stuðningsforeldri til dagsins í dag.
Eins og raun ber vitni þá er Sonja dugnaðarforkur og með hjarta úr gulli. Áhugamál hennar eru að ferðast og njóta í faðmi fjölskyldu og vina í góðri útilegu.